«BIZ SOG’LOM TURMUSH TARZI TARAFDORIMIZ»
2012-yil noyabr oyida UNFPA tashkiloti va «Kelajak ovozi» YoTM hamkorligida «Biz sog’lom turmush tarzi tarafdorimiz» nomli seminar-treninggi o’tkazildi. Seminarda Aziz Ishkobilov trenerlik qilib bordi. Mazkur seminar Nukus shahridagi «Jipek Joli» mehmonhonasida bo’lib o’tdi. Seminarda guruhimiz a’zolari Seytnazarova Guljahan va Nurjanova Hurliman 1-patokda, Yusupov Furqat, Ro’zimova Ozoda, O’marova Zarafshon va Sultanova Zulhumor 2-patokda, O’razalieva Perizat 3-patokda, Temirbekova Jig’agul va Ubbiev Ikram 4-patokda qatnashib «Sertifikat» qo’lga kiritdilar.
«KELAJAK OVOZI» YOZGI O’QUV OROMGOHI-2013
Guruhimiz a’zolari Yusupov Furqat, Nurjanova Hurliman va Seytnazarova Guljahanlar 1-14 iyul kunlari Qashqadaryo viloyati, Shahrisabz tumanida «Kelajak ovozi» yozgi o’quv oromgohida ishtirok etib qaytishdi. Furqat va Hurliman «TV jurnalistika», Guljahan esa «Bosma jurnalistika» yo’anlishlarida tajribali trenerlar tomonidan o’tkazilgan seminar-treninglarda faol ishtirok etishga muvaffaq bo’lishdi. Seminar-treninglar mobaynida har bir yo’nalish a’zolari ko’plab bilim va ko’nikmalarga ega bo’ldilar. Jumladan TV jurnalistika yo’nalishida «Forum TV» kanali muharriri Baxtiyor To’raxonov, «Yoshlar telestudiyasi» koordinatori Baxtiyor Safarov, «Forum TV» kanali jurnalisti Zamira Ortiqovalarlar yosh jurnalistlarga «standup», «vox-pop», intervyu olish usullari, nutq bilan ishlash kabi bir nechta mavzularda seminarlar o’tishdi. Qayd etish joizki o’tilgan mavzular yuzasidan amaliy mashg’ulotlar ham olib borildi. Har bir viloyat vakillari o’zlari bilan kelgan operatorlar bilan birgalikda bir nechta intervyular oldib, reportajlar tayyorlab «Forum TV» va «NTT» telekanallariga yuborib turishdi. Shuningdek «Forum TV» kanalidagi «Forum News» va «Darsdan so’ng…» ko’rsatuvlari uchun ham reportajlar tayyorlandi.
Har kungi seminar-treninglardan so’ng kechki tadbirlar o’tkazilib turdi Jumladan oromgohda «Asrlar sadosi» madaniyat festivali, Miraki «Oltin gepard» kinoforumi, «KO Star» musobaqasi, «Etno Art» guruhi tomonidan ishlangan musiqiy sahna ko’rinishlari o’tkazildi.
«Kelajak ovozi» yozgi o’quv oromgohining ochilish va yopilish marosimiga taniqli san’atkorlar Nilufar Usmonova, Ruxshona, «Sahro guruhi», «Zarba» guruhi, Baxtiyor Rahmonov, Farxod va Shirin, «Zor-zor star» teleloyihasi g’oliblari Ulug’bek Xaliqov va Shahlo Ahmedovalar o’zlarining ajoyib qo’shiqlari bilan barchaga xushkayfiyat ulashishdi. Shuningdek oromgohning yopilish marosimiga «Fond Forum» Va’siylik kengashi raisi Gulnora Karimova ham tashrif buyurdilar.
Xullas 14 kunlik o’quv-oromgohi barchaing qalbida bir umr saqlanib qoladigan bo’ldi.
«BIZ SOG’LOM TURMUSH TARZI UCHUN»
Y-Peer yoshlar tarmog’i va «Kelajak ovozi» Yoshlar Tashabbuslari Markazi Qoraqalpog’iston Respublikasi bol’imi bilan hamkorlikda 26-30 iyul kunlari «Biz salamat turmis tarzi ushin» deb nomlangan teatral ko’nikmalar seminar-treninggi o’tkazildi. Seminarda Ramazanov Medet va Bekmuratova Gulmira trenerlik qilishgan bo’lsa, Ayjarqin Ahmedova fasilitator vazifasini bajardi. Trening mobaynida Kelajak ovozi faollarining 14 nafari ishtirok etishdi. Jumladan guruhimiz a’zolari Yusupov Furqat, Nurjanova Hurliman va Seytnazarova Guljahanlar shular qatoridan o’rin olishdi. Ishtirokchilar seminar mobaynida OIV va OITS, jinsiy yo’llar bilan aniqlanadigan infektsiyalar, hamda gender mavzulari bo’yicha bilim va ko’nikmalarimizni yanada orttirib olishdi. Shuningdek seminar mobaynida har kuni turli hil interaktiv o’yinlar o’ynaldi, yuqoridagi mavzularga oid videoroliklarni tomosha qilindi va teatral sahna ko’trinishlari bajarildi. Seminarning eng so’nggi kunida esa yuqoridagi mavzular bo’yicha 3 ta jamoaga bo’lingan holda sahna ko’rinishlarini ijro etishdi. Seminar-trening yakunida esa barcha ishtirokchilarga «Kelajak ovozi» YoTM tomonidan sertifikatlar topshirildi.
MEDIA OROMGOH
20-27 avgust kunlari Toshkent
«Yosh jurnalistlar klubi» harakatda
Universitetimiz, «Kelajak ovozi» Yoshlar Tashabbuslari Markazi va «Kamolot» Yoshlar Ijtimoiy Harakati bilan hamkorlikda «Yosh jurnalistlar klubi»ga asos solindi. Ushbu klubda trenerlik vazifasini men Furqat Yusupov, Xurliman Nurjanova, Guljahan Seytnazarovalar bajarmoqdamiz. Klubimiz mazkur yilning 23-yanvarida o’z faoliyatini boshladi. Klubimiz o’z oldiga yuqori maqsadlarni qo’ygan. Maqola, she’r va hikoya yozadigan talabalar bilan hamkorlik qilmoqdamiz va ularning ijodiy na’munalarini Respublikalik va o’zimizning davriy nashrlarda shuningdek bir qator internet saytlarida chiqarishda ham yordam bermoqdamiz. Biz shuningdek har bir oyda bitta tanlov o’tkazishni ham yo’lga qo’yishni va taniqli jurnalist, yozuvchi va shoirlar bilan uchrashuvlar tashkillashtirishni ham o’z oldimizga maqsad qilib belgiladik. Klubga guruhimizdan O’razalieva Perizat, Qallibekova Aygul, Sultanova Zulhumor, Ubbieva Bibijamal, Otegenova Malika, Ro’zimova Ozoda, O’mirbekov Asqar, Ubbiev Ikram, Aljanova Zamira va Babanazarova Jamilalar a’zo bo’lishdi.
Biz haftaning har chorshanba soat 15:00 kuni universitetdagi «Kelajak Ovozi» axborot xonasida seminar-trening o’tkazmoqdamiz. Safimizda 30dan ortiq yosh ijodkorlar bor. Biz har bir seminarda o’zimiz singari yosh ijodkorlar yozgan maqolalarimizni tahlil qilib, hato va kamchiliklarini muhokama etamiz. Shuningdek biz klub a’zolariga radiojurnalistika, fotojurnalistika va telejurnalistika haqida ham ma’lumotlar berib o’tdik. Klubimiz Ziyada Qojiqbaeva va Baxit Palvanov kabi ustozlarimiz, «Qaraqalpaq Universiteti» gazetasi muharriri Hurmet Atajanov va «Nukus FM» radiosi boshlovchisi Miyrigul Esimbetovalar bilan ham hamkorlik qilib bordi. Ular ishtirokida ham treninglar o’tkazildi.
14-may kuni «Yosh jurnalistlar klubi»ning 2012/2013-yilgi o’quv mavsumidagi so’nggi seminarni o’tkazdik. Seminar yakunida barcha ishtirokchilarga sertifikatlar topshirdik. Biz trenerlarga esa trenerlik qilganligimiz uchun sertifikatlar topshirildi. Klubimiz kelsi o’quv yilida ham o’z faoliyatini davom ettiradi.
